EFDA የኢትዮጵያ የምግብና መድኃኒት ባለስልጣን

መግቢያና መውጫ ኬላዎች ላይ የሚሰሩ ተቋማት ቅንጅታዊ አሰራር ተጠናክሮ መቀጠል እንዳለበት ተገለፀ፡፡

አዲስ አበባ ፡ሰኔ/4/2017 -የኢትዮጵያ ምግብና መድኃኒት ባለሥልጣን የደቡብ ምሥራቅ አዲስ አበባ ቅርንጫፍ ጽሕፈት ቤት በአዳማና ቢሾፍቱ ከተሞች በቃሊቲ፣ ካርጎ፣ ተርሚናል፣ አዳማ እና ሞጆ ለሚገኙ የጉምሩክ፣ የአየር መንገድ፣ ፖሊስና ትራንዚት ኃላፊዎችና ባለሙያዎች ከባለሥልጣኑ የአሠራር ሥርዓቶች ጋር በተያያዙ ጉዳዮች ዙሪያ ለተከታታይ ቀናት ሲሰጥ የነበረው ሥልጠና ተጠናቀቀ።
የኢትዮጵያ ምግብና መድኃኒት ባለስልጣን ዋና ዳይሬክተር ሄራን ገርባ በመክፈቻ ንግግራቸው ላይ እንገለጹት "ወደ ሀገራችን የሚገቡ ምርቶችን ደህንነት፣ጥራት እና ውጤታማነት ማረጋገጥ የጋራ ኃላፊነት ነው" ብለዋል። "ይህ ስልጠና በሁሉም አካላት መካከል አንድ ወጥ የሆነ አሰራርን ለማጎልበት ወሳኝ እርምጃ ነው፡፡ በመግቢያ እና መውጫ ኬላዎች ላይ ጠንካራ ቁጥጥር ማድረግ በህብረተሰብ ጤና ላይ ከፍተኛ አደጋ ከሚያስከትሉ ምርቶች ደረጃቸውን ያልጠበቁ እና ተመሳስለው የተሰሩ ምርቶችን ለመከላከል የመጀመሪያው መስመር መሆኑን እንገነዘባለን፡፡" ያሉ ሲሆን ስልጠናው ቅንጅታዊ አሰራርን ከማጠናከር አኳያ ትልቅ ፋይዳ አለው ብለዋል፡፡

በተመሳሳይ ስልጠናው በቢሾፍቱ ከተማ የተሰጠ ሲሆን በሁለቱም መድረክ በገቢና ወጪ ምርቶች ቁጥጥር ዘርፍ ከሚሰሩ ተቋማት ጋር መልካም ግንኙነት ቢኖርም፣ ለህብረተሰቡ ፈጣንና ቀልጣፋ አገልግሎት ለማቅረብ የባለድርሻ አካላት ቅንጅታዊ ሚና እጅግ ወሳኝ በመሆኑ፣ ባለሥልጣኑ ስለሚሰጣቸው አገልግሎቶች ግንዛቤ ለመፍጠርና የጋራ አሠራርን ለማጠናከር ይህ ስልጠና መዘጋጀቱን በመግለጽ በተጨማሪም ወደ አገር ውስጥ የሚገቡ የምግብ፣ የሕክምና መሣሪያዎችና የጤና ግብዓቶች ቁጥጥርን ለማሻሻል የግንዛቤ ማስጨበጫ ስልጠናው ወሳኝ ነው፡፡ስልጠናው የባለድርሻ አካላትን ቅንጅትና ትብብርን ወደ ተሻለ ደረጃ ለማሳደግና የህብረተሰቡን ጤና ለመጠበቅ የሚያግዝ መሆኑን አስታውቀዋል።

በሥልጠናው የተሳተፉት ከተለያዩ ተቋማት የተወከሉ ባለሙያዎች፣ የሥልጠናውን ጠቀሜታ በመግለፅ ይህ ዓይነቱ ሥልጠና ለሌሎች ባለሙያዎችም ተደራሽ እንዲሆን ሁኔታዎች እንዲመቻቹላቸው ጥያቄ አቅርበዋል።

የመድኃኒት አምራቾች ተግዳሮቶችን ለመፍታትና የሀገር ውስጥ የመድኃኒት ምርትን ለማሰደግ ሁለት ቁልፍ መመሪያዎችን በባለሥልጣኑ ፀድቀው ይፋ ሆኑ ።

1የመድኃኒት አዳኝ ንጥረ ነገር እና ግብዓቶች የማስመጣት ቁጥጥር መመሪያ ቁጥር 1062/2025

2.የመድኃኒት ማሸግ እና መለያ አሰጣጥ መመሪያ ቁጥር 1091/2025

ፀድቀው ይፋ የሆኑት መመረያዎች የሀገር ውስጥ የመድኃኒት አቅርቦትን በከፍተኛ ሁኔታ ያሳድጋሉ ፣የሕዝብ ጤና አጠባበቅ ሥርዓቶችን ያጠናክራሉ ፣የኢኮኖሚ እድገትን ያበረታታሉ እንዲሁም በጥራት ምርቶች እንደመሚረቱ ያረጋግጣሉ። በአገራዊ የማምረት አቅም ላይ በራስ መተማመንን ለማምጣት እና ከውጭ በሚገቡ ምርቶች ላይ ጥገኝነትን ለመቀነስ ቁልፍ ስትራቴጂ ናቸው። የሀገር ውስጥ ፋርማሲዩቲካል አምራቾች የሚያጋጥሟቸው ቁልፍ ተግዳሮቶች የፋርማሲዩቲካል አዳኝ ንጥረ ነገር እና ሌሎች አስፈላጊ ግብአቶች ተደራሽነት ውስንነት እንዲሁም የሙሉ አቅም የማምረቻ ሥራዎችን ለመመስረት የሚያስፈልገው ከፍተኛ ኢንቨስትመንት እና ጊዜን ያጠቃልላል።
እነዚህን ተግዳሮቶች ለመፍታትና የሀገር ውስጥ የመድኃኒት ምርትን ለመደገፍ ባለሥልጣኑ አሁን ፀድቀው በይፋ የተመዘገቡ ሁለት ቁልፍ መመሪያዎችን አዘጋጅቷል። የፋርማሲዩቲካል አዳኝ ንጥረ ነገር እና ሌሎች አስፈላጊ ግብአቶች የማስመጣት ቁጥጥር መመሪያ ቁጥር 1062/2025 ጥራት ያለው የፋርማሲዩቲካል አዳኝ ንጥረ ነገር እና ሌሎች አስፈላጊ ግብአቶች ለአገር ውስጥ አምራቾች ተደራሽ በማድረግ ዘላቂ ምርትን በማረጋገጥ የጤና ጥበቃ ስርዓትን በማሻሻል የሀገር ውስጥ የፋርማሲዩቲካል ኢንዱስትሪዎችን ተወዳዳሪነት ያሳድጋል።

የመድኃኒት ማሸግ እና መለያ አሰጣጥ መመሪያ ቁጥር 1091/2025 መድኃኒቶችን ለማሸግ እና ለመሰየም ስራዎች ለማከናወን አነስተኛ የቁጥጥር መስፈርቶችን ያስቀምጣል። ይህም ለኢንቨስትመንት ምቹ ሁኔታን ይፈጥራል እንዲሁም የሀገር ውስጥ ምርትን እድገት ያሳድጋል። እነዚህ መመሪያዎች ሥራቸውን በመደገፍ፣ አዳኝ ንጥረ ነገር እና ሌሎች አስፈላጊ ግብአቶች አቅርቦትን በማሻሻል እና የሀገር ውስጥ የመድኃኒት ምርትን ለማሳደግ ምቹ ሁኔታዎችን በመፍጠር ለነባርም ሆነ ለአዳዲስ የሀገር ውስጥ አምራቾች ጠቃሚ እድሎችን ይፈጥራሉ።