MOO'AMEE HINGALU

Dargaggootni Keenya Umuriin Keessan Gahe Of-danda'uu Yaalaa
***
Uummata biyya kana keessa jiraatan keessaa sadiitu nadhiba, Guraagee, Walayittaa fi Goojjamee. Dargaggootni sabootii kanaa utuu umuriin isaanii hin ga'in of-danda'uu irra darbanii Abbaa fi Haadha isaanii gargaaruuf jecha ijoollummaattuli biyyaa ba'anii hojii humnaa, qabeenya nama eeguu, keessummeessuu, lootarii naannessanii gurguruu, akaayii naannessanii gurguruu, kophee haxaa'uu, fi kkf irratti bobba'antu argama. Waggoota muraasa booda garuu abbaa qabeenya kan ta'u isaanii keessaa hedduudha. Kana gaafan ilaaluu fi yaadadhu yeroo hundumaa nan gaddaa, gaabbinin guutama akkasumallee nin hinaafa, sababa isaniif ta'eef utuu hin taane dargaggoota Oromoo ilaaleetani. Dargaggootni keenya Yuunivarsiitii eebbifamee maatiin nagargaaraa gaafa jedhu kan hin saalfanne hedduudha. Yoo rakkate maal godharee kan jedhu akka jiru nan beeka, hata'uutii yoo rakkatte hirkataa taatee hafuura du'uu siif wayya. Sana irrayyuu darbee gargaarsa maatii isaa tuffachuun kan Abbasaa fi Haadha isaa irratti arraba dheeressu immoo ni jira.

Rakkoo akkanaas furuuf gaafa hojii humnaa jalqabi jedhaniin hedduutu nama arrabsuun maatiin dhaadachuu barbaadu. Tarii qabeenya maatii isaa/ishee yoo ida'ame wayitti kan hin galleedha. Keessumatti fira biyya ambaa fi xiqqoo fooyyee kan qabun Finfinnee qabaannaan arrabi isaanii hin danda'amu. Kana gaafan jedhu, dargaggoota keenya warra halkanii fi guyyaa of-jijjiiruu jecha qabsoo hamaa geggeessan dagadhee miti, fakkeenya kan ta'anis hedduu qabana.

Egaa kottaa wal-gorsinaatii dargaggootni keenya hojii utuu hin filatin, hin nuffinii fi hin tuffatiin wanta dandeenyu irrattin haabobbaanuu. Sana immoo hanaga inni dhufutti teenyee eeguu utuu hin taane sammuu Waaqayuo nuuf kenneen yaadne wanta tokko jalqabna. Kanaan achi teenyee Finfinnee keenya, ani sabboonaadhaa fi kkf yoo ololaa oolle fayidaa hin qabu. Nama jabaatee hojjeteef Dhugaa Waaqaa yeroof malee jijjiirami hinuma dhufaan. Seenaa hedduutu jira kan fakkeenya nuuf ta'u. Vi Dr. Gutu Tesso


Hojii/Biizinaasii tuffachuu dhiisuu

Hojii xiqqoo fi gudda, baredaa fi fokkisaa, jaallatamaa, jibbamaa hin qabu akkaa hojii tuffannu kan godhu Ilaalchaa /abbaa dha malee hojii miti.

Namonni hedduun hojii tokko osoo hin qabanee hojii filatu, hojii maqaa balleessuun. Fakkeenyaaf #LIISTIROO akka hojii gadi'aanatii lakka'anii tuffatu garuu hojii akka salphaati hojjatamee galii guddaa argamsiisuudha. Seenaa biyyaa kan keessatti namootni har'a gammoo abbaa darbii, hooteela abbaa urjii, abbaa warshaalee ta'anii baay'ee waggoota mursaa dura osoo hojii hin tuffanee warra hojjatanii dha.

Akkamiiti biizinaasii keessa seenuu dandeenya.?Biizinaasii jeechuun maalii.? Namni tokko, matii tokko madda galii godhate, hojatee, ifaajaafi, humna isiin of jirachuu hundii biizinaasii jedhamaa. /Employee, Self Employed, Business Owner and Investors/ of keessaa qaba.

Biizinaasii jalqabuun dura karoora dhimmoota ilaalamuu qaban. Yaada biizinaasii bilchaataa qabaachuu, Beekumsaa fi dandeettii qabachuu,Gabaa fi fedhii jiru qorachuu, Baasii ittin jalqaban, Dorgomii, bakka biizinaasii filachuu fi humnaa nama teeknooloojii fayadamuu.fkk

Kitaabota biizinaasii fi Xiin-sammuu dubbisuu, leenjii biizinaasii walii qabatu fudhachuun baay'ee barabachisaa dha Galatoomaa.

Jabaadhaa, Jabaan Jabaa Caalu
Waaqni Tokkichis isin gargaaraa.

Toora miidiyaa koo sirrin kan #qofa
👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾

Ogummaawwan gurguddoo jireenyi si gaafattu keessaa inni tokko namoota sirrii ofitti marsuudha. Namoota gatii mul'ata kee haala ati keessa jirtuun hin madaalle, namoota egeree keetti amanan, namoota galma gahumsa keef waan danda'an hundaan si deggeran, namoota si jabeessan si barbaachisa.

Namoota akkanaa hedduu naannoo keetii argachuu dhiisuu dandeessa. Muraasuma yoo argatte garuu baay'ee si fayyadu. Namoota mul'ata kee hin deggere kumootaan marfamuu irra namoota si waliin dhaabatan namoota shan of duubaa qabaannaan ati carra-qabeessa.

Namoonni ati guyyaa guyyaatti yeroo waliin dabarsitu jireenya kee irratti dhiibbaa guddaa uumu. Hammuma yeroo wajjin dabarsaa deemtu yaadota isaaniin mo'amaa deemta. Deemsa keessa gara yaada isaaniitti qajeelta. "Hiriyyoota kee natti himi, eenyu akka taaten sitti himaa!" kan jedhamu kanaaf.

Hiriyyoonni kee kallattii jireenya kee bocuu irratti ga'ee guddaa taphatu. Jireenya keetti marsanii kan jiran namoota mul'ata hin qabne yoo ta'an, atis gara mul'ata-dhabdummaatti deemta. Namoota mul'ataa fi kaayyoo qabaniin yoo marfamte immoo atis gara mul'ata keetti imala taasistuuf galtee guddaa isaan irraa argatta. Kanaafuu, namoota guyyaa guyyaatti yeroo waliin dabarsitu filachuu irratti of eeggannoo guddaa taasisuutu si irraa eegama! Via Kitaaba Gatii biyyaa meeqa irraa kan fudhatame!


Toora miidiyaa koo sirrin kan #qofa
👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾

10. Beeksisa (promotion):- Maallaqa, humnaa fi yeroo kee isa guddaa beeksisaaf oolchi. Beeksifni dirqama karaa reediyoo fi televijinii ta’uu hin qabu. Beeksisni inni guddaa fi gatii xiqqaan beeksisuu dandeessu karaa maamiloota kee amanamoo (loyal customers) ti. Maamiloota kee isa tajaajila kee dursanii baran, kan jaalatan fayyadamtee akka isaan namoota beekan (in their circle) tti sii himan (refer) sii godhan amansiifadhu. Namoonni hedduun beeksisa gara reediyoo ykn telejiniin argan caalaa nama amanan irraa yoo waa dhagahan amaninii bitu, jecha nama amananii (word-of-mouth) ni amanu. Namoonni karaa kanaan dhufan immoo maamila kee amanamaa ta’u, nama biraas sii fidanii dhufu.

11. Qulqullina tajaajilaa (service quality):- yoomuu taanan meeshaan (goods) ykn tajaajilli (service) ati dhiyeessitu qulqulliinni isaa gaaffii keessa galuu hin qabu. Haga danda’ameen qulqullina sadarkaa ol’aanaa ta’een dhiyeessuf yaali.

12. Madda kaappitaala jalqabaa (source of initial Capital):- Rakkoo guddaan nama keenyaa maallaqa waa ittiin jalqabaniidha. Dhugumatti waa jalqabuuf maallaqni ni barbaachisa. Maallaqni kun eessaa argama? Ka armaan gadii kana ta’a

1. 🅠🅐🅒🅐🅡🅡🅘🅘
Qaama ta'e wayiif qacaramtee mindaan siif kanfalama.

2. 🅞🅕 🅠🅐🅒🅐🅡🅤🅤
Biisinasii dhuunfaa keetii xiqqoo qabda, ofumaaf hojjetta. 

3. 🅐🅑🅑🅐 🅑🅘🅘🅢🅘🅝🅐🅢🅘🅘
Siistamaan ijaaruu irratti xiyyeeffatta!

4. 🅘🅝🅥🅔🅢🅣🅐🅡🅐
Maallaqa qabda, siistema ijaarame bitta.


Never depend on a single income
make an investment to create a
second source.”  Warren Buffett

Madda galii babal'ifachuu
Diversifying income sources

"Gabrummaa hanqina maallaqaa jalaa ba'uun qabsoo madda galii dabalataa gabbifachuu gaafata.

"Dingadeen bilisummaa hin qabdu taanaan siyaasaanis ta'e sammuu kee keessatti bilisummaa qabaachuu hin dandeessu"
"
Imala qabsoo #diinagdee keessatti, meeshaa waraanaa dargaggoonni jalqaba irratti hidhachuu qabu ANI NAN DANDA'A isa jedhamuudha"! Dr. Gutu Tesso

Wantoota guddina dinagdee
keessatti murteessoo ta'an.

1. Of jijjiiruu
2. Mul'ata qabaachuu fi karooraan jiraachuu
3. Aadaa hojii gaarii gabbifachuu
4. Madda galii babal'ifachuu
5. Amala qusannaa jabaa horachuu
6. Baasii hin malle hir'isuu
7. Idaa hamaa keessa akka hin seenne of-eeguu
8. Qabeenya horachuu
9. Beekumsaan of qaraa adeemu

Toora miidiyaa koo sirrin kan #qofa
👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾

Biizinasii Akkamitti Eegalla?
👇👇👇👇👇👇👇👇👇👇👇👇👇

Namni hunduu, keessattuu warri qacaramnee hojjennu, biizinasii eegaluuf fedhii ni qabna. Garuu maalif eegaluu dadhabna? Kun gaaffii nama hundaati. Ogeeyyonni diinagdee (Economist) hedduun, “yaada biizinasii gaarii yoo qabaatte, maallaqni rakkoo hin qabu” jedhu. Anis yaada kana ittan walii galaan. Garuu biizanasii akkamitti eegalla? Maallaqni Eessan dhufa? Kan jedhu gaaffii nama hundaati.

Biiziasii eegaluuf;

1. Fedhii qabaadhu:- Wanti hundi fedhiirraa madda. Fedhiin ati waan tokko gochuf qabdu milkaa’ina keetif murteessadha. Dhugumaan biizinasii eegaluu barbaaddaa?

2. Kutannoo qabaadhu:- gara daldalaa yoo seentu qormaanni hedduudha. Bu’aa-bahii baay’etu jira. Keessattuu biizinasichaaf haaraa yoo taate wanti hundi ni ulfaata. Rakkoowwan akka qulqullina omishaa (product quality), hidhata gabaa (Market linkage), dorgommii (Competition), baasii (cost of production) fi kanneen biroo hedduun ija baasanii si eegu. Kun akka jiru beektee, kutannoo guutun gara biizinasii seenuu qabda.

3. Obsa qabaadhu:- Hudhaawwan armaan olitti ka’an irra aanuf, obsi (patience) akkan barbaaachisa. Rakkoowwan hundaaf furmaata laachaa, nama mariisisaa deemun jala darbuuf yaaludha malee abdii kutachuun hin barbaachisu.

4. Cichoomina qabaadhu:- Cichoominni (perseverance) biizinasiis ta’ee jiruu keenya guyyaa guyyaa keessatti faayidaa ol’aanaa qaba. Waan fedhii keetin itti amantee eegalte gufuu xiqqoofis ta’ee guddaaf hin dhiisin, itti cichi, haga dhumaatti deemi,

5. Filannoo Biraa (plan B) qabaadhu:- Gaafa daldala eegaltu waan tokko qofa irratti hin xiyeeffatin. Wantoota lama ykn isaa ol akka filannoo biraatti qabadhu (Business Diversification). Fknf, Yoo mana refeensa dhiiraa ykn dubaraa banuu barbaadde, cinaatti dibata gara garaa, urgooftuwwan (shittoo) banii daldali. Yoo qonna jal’isii qotuu barbaadde, loon furdisuu, lukkuu horsiisuu faa akka filannoo biraatti qabadhu.

6. Galteewwan (Inputs) eenyurraa akka argattu beeki:- Daldala keessaatti, waa omishuuf ykn tajaajila (service) wayii kennuuf madda galteewwanii (Sources of Inputs) keetii haalan beekuu barbaachisa. Glateewwan na fayyadan maal fa’a? hagamtu na gaha? Eenyurraayyin argadha? Gaaffiwwan jedhan deebisuun dirqama. Inni biraa galteewwan kana haala itti gatii salphaan argachuu dandeessu ykn karaa ofuma keetii ofii dhiyeessuu dandeessuu irratti itti yaadi. Fknf, Mana Nyaataa (Hotel) qabda yoo ta’e horii qalmaa gabaarraa bituu moo, sangaa isa xiqqaa bittee erga gabbistee booda, qalmaa dhiyeessuu wayya kan jedhu irratti “Cost-benefit” isaa itti yaaduu barbaachisa.

7. Fedhii fayyadamtootaa (demands) beekuu:- Bu’uurri wanta hunda maamila kee waan ta’eef fedhii isaanii addaan baastee beekuu barbaachisa. Wanta hawaasni tokko hin feene yoo eegalte hin ta’u. Fknf Hawaasa alkoolii hi dhugne keessatti mana dhugaatii banuun faayidaa hin qabu.

8. Waan addaa (Unique) ta’e jalqabi: Asirratti baay’ee yaadun barbaachisaadha. Waan addaa yoo jennu waanuma haaraa qofa jechuu miti. Waanuma jiru bifa adda ta’een dhiyeessuu jechuudha. Fknf, buna jabanaa gurguruu yoo barbaadde, waanuma namoonni biroo kana dura godhan hin godhin. Xiqqoo waa fooyyessii koottu. Qulqullina bunaa, filannoowwan gargaraa kan akka buna aannaniin, shaayii, Bunaaf shaayii walitti (Ispiriisii), aannan duwwaaa, nyaata dafee qaqqabu (fast food) kan akka Saambusaa, Chiipsii, qoqarii fi kkf cinaatti jalqabi.

9. Maamiloota kee yaada gaafadhu (feedback): Yeroo hundaa nama waa sirraa fayyadamee deemu maaltu akka fooyya’uu qabu gaafadhu. Namoonni baay’en fedhii isaanii sitti himuu dhiisuu danda’u, garuu dandeettii fuula isaanii irraa waa hubachuu horachuu danda’uu qabda. Fedhiin maamila dugugguruu dugdaa biizinaii keetii waan ta’eef, haaluma kamiinuu fedhii isaa guutuu qabda. Fedhii waan biraa hin jenne ani!

“Waaqayyo eessa turee…?”

Yeroo tokko tokko, ati jireenya jiraattutti hin gammadu; garuu addunyaa kana irraa namootiin hedduun jireenyuma ati amma jiraattu kana illee jiraachuuf kan dheeban jiru. Daa’imnni naannoo manaa dhaabbatu xiyyaara samii irra balali’u ol ilaalee, ‘utuun carraa xiyaaraan balali’u argadhee’ jedhee hawwa. Paayiletiin xiyyaaricha balaliisaa immoo ‘utuun lafa qubadhee nagaan deebi’ee mana kootti galee’ jedha.

Egaa kana jireenyi! Isa qabdutti gammadi! Utuu badhaadhinni dhoksaa gammachuuti ta’ee, warri sooressootiin daandii irratti yaa’anitu sirbaan lafa dhiitaa oolu turan; garuu daa’imman harka qalleeyyitu daandii irratti gadi yaa’ee lafa dhiitee sirbaa oola.

Utuu aboon nageenya mirkanneessa ta’ee, warri abbaa taayitaatu eegdota isaanii malee qofaa isaanii adeemu turan; garuu warreen jireenya salphaa jiraatan siree isaanii irratti of gatanii yaaddoo malee diriirfatanii rafu.

Utuu miidhaginnii fi beekkamtiin bultoo/gaa’ela karaadha ta’ee warri beekkamitii uummataa qaban gaa’eela gita hin qabne dhamdhamatu turan; garuu warreen jireenya salphaa jiraatan, gara-laafessa ta’an, fi jaalala onneerraan nama jaalatantu kanatti milkaa’anii jiraatu.

Wanneen gaariin martinuu siif in deebi’u. Namni ‘Yeroo Myles Munroe, haati manaa isaa fi gareen isaa waliin balaa xiyyaraan lubuun isaanii gaaga’ame, Waaqayyo eessa turee?’ jedhee in gaafata. Waaqayyo immo ‘Ani idduma koo isa yeroon tajaajilaan koo Yohaannis Cuuphaan morma isaa kutan taa’aa ture sana achuman taa’aan jira. Idduma koo isa yeroon tajaajilaa koo Isxifaanosiin namootiin dhagaan tumanii ajjeessan sana taa’aa ture sana achuman taa’aan jira; bakkuma koo isa yeroo Yesus namoota gara jabataaniin reebamee, madaa’e, ajjeefame taa’aa ture sana achuman taa’aan jira.

Ani bakka kootii hin sochoone; An isuma sana! Wanni murteessan haala akkamiitiin namni biyya lafaa kana irraa du’aan godaanaa isa jedhu miti; garuu wanni murteessaan ‘naminni erga du’ee lubbuun isaa bakka kam dhaqixxii? ykn yoo du’ee eessa dhaqa?’ isa jedhudha. Kanaaf jireenya salphaa jiraadhu. Wanni marti Waaqayyoof jedhe Dr. Ben Carson (Retired world renowned neurosurgeon, and Republican Presidential Aspirant.

Namni qaama guutuu qabdu garuu rakkinaan xallifamaa jirtu isamaaf iyyuu Waaqayyoon galateeffadhu; sababiin isaa namootii hedduun qaama hir’uun gammaddan jiraatan jiru. Kan miilli ykn harki tokko naafate ykn cite jirus Waaqayyoon galateeffadhu jiraachuu; sababiin isaa kan lamaan isaa irraa cite iyyuu jiru. Warreen harki keessan tokko naafatee ykn citees Waaqayyoon galateeffadhu; sababiin isaa kan lamaan isaa irraa cite garuu gammadanii Waaqayyoon galateeffatan jiraatan jiru.

Kana utuu qaama guutuun deemtuu of jibbitus Waaqayyoon galateeffadhu; sababiin isaa kan hoospitaala keessa ciisan jiru. Kanneen hospitaala ciistanii of jibbitanis Waaqayyoon galateeffadha; sababiin isaa warreen ICU keessa utuu of hin beekiin ciisan jiru. Kun kan dhagahedha.

Jara keenya isa qabanii itti jiraatanitti Waaqayyoon galateeffachaa isaa fuulduraaf immoo tattaaffachuu wayya malee of jibbanii haamilee of buusuun in barbaachisu.

Share godhi! Maaltu beeka kun namootatti abdii horuu danda’a waan ta’eef. Vi luba Fekadu

Guyyaa gaarii qabaadhaa!

Toora miidiyaa koo sirrin kan #qofa
👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾


           Galatoomaa