Ethio 360 Media

የአውሮፓ መሪዎቹ አብይን ማግኘት ለምን አልፈለጉም?

አብይ አህመድ ሰሞኑን በበርካታ የውጭ ሀገራት ጉብኝት ያደረገ ቢሆንም በፈረንሳይና በጣሊያን ካደረጋቸው ውጭ ሌሎች በመንግስት ሚዲያዎች እንዳይዘገቡ መከልከላቸውን መሰረት ሚዲያ የዲፕሎማቲክ ምንጮችን ዋቢ አድርጎ ዘግቧል።
እንደ ዘገባው ከኾነ፤ አብይ የሄደባቸው ነገር ግን እንዳይዘገቡ የተከለከሉት ጉብኝቶች የቱርክ- አንካራ እና የቡልጋሪያ-ሶፊያ ጉዟቸው ነው።
የዚህ ምክንያቱ ደግሞ የድሮን አቅራቢያቸው እና የሶማሊያ አሸማጋያቸው የሆኑት የቱርክይ ፕሬዚዳንትን ሬሲፕ ታይብ ኤርዶጋንን እና የቡልጋሪያውን ፕሬዚዳንት ሩመን ራዴቭን ለማግኘት ያደረጓቸው ሙከራዎች ባለመሳካቱ ነው ብለዋል ምንጩ።
ፕሬዚዳንቶቹ በሌላ ጉዳይ “ቢዚ” ናቸው በመባሉ አብይን ተቀብለው ያነጋገሯቸው በአነስተኛ የሥልጣን ደረጃ ላይ የሚገኙ ሹሞች ናቸው ብሏል ሚዲያው።
ይህ ብቻ አይደለም። አብይ ወደ ለንደን ለማምራት ቀጠሮ እንዲያዝላቸው የጠየቁ ቢሆንም ፤ጠ/ሚ/ር ሰር ኬር ስታርመር ፦”በሌላ ጉዳይ ስራ ስለበዛብኝ አልችልም”በማለታቸው የለንደን ጉብኝታቸው እንዲሰረዝ መደረጉንም የዲፕሎማቲክ ምንጮችን እማኝ አድርጎ መሰረት ዘግቧል።
ስለዚህም ከፈረንሳዩና ከጣሊያኑ ጉዞ ውጭ ሌሎቹ እንዳዘገቡ ለመንግስታዊ መገናኛ ብዙሀን ት ዕዛዝ ተላልፏል ተብሏል።

እኛም ከፊልድ ማርሻል ብርሃኑ ጁላ ምርቃት ተውሰን፦”እንዲህ ያለ ነገር በዘራችሁ አይድረስ!” ብለናል።

ግን...ግን.. የሀገራቱ መሪዎች የዛሬ ሰባት ዓመት የኖቤል ተሸላሚ የነበረውን አብይን አሁን ማግኘት ያልፈለጉት ለምን ይሆን??

መልሱ አጭርና ግልጽ ነው።

አምነስቲ ኢንተናሽናል የኢትዮጵያ ጤና ባለሙያዎች ማህበር ፕሬዝደንት ከእስር እንዲፈታ ጠየቀ

የኢትዮጵያ ጤና ባለሙያዎች ማህበር ፕሬዝደንት ዶ/ር ዮናታን ዳኘው ከእስር እንዲፈታ አምነስቲ ኢንተርናሽናል ዛሬ ጠየቀ።

ተራው የእናንተ ነው

የአማራ ፋኖ ብሄራዊ ሀይል መመስረቱን ተከትሎ በጨዋነት ሀሳብ ትሰጡበት ዘንድ የመወያያ ቤቱን እንከፍተዋለን::

ማሳሰቢያ!

በጨዋነት ሀሳብ የማይሰጥ ከግሩፑ ይሰናበታል::

የፌደራል ፖሊስ አክቲቪስት ስዩም ተሾመን ፍርድ ቤት ማቅረብ አልችልም ብሎ ምላሽ ሰጠ

- "ከእኛ ይልቅ የምታሳዝኑኝ እናንተ ናችሁ፣ የሚሰድባችሁን ግለሰብ እንኳ ማቅረብ የሚችል ፖሊስ የለም"- አቶ ክርስቲያን ታደለ ለዳኞች

- በዛሬው ዕለት የፌደራል ፖሊስ ለፍርድ ቤት በፃፈው ደብዳቤ አክቲቪስት ስዩም ተሾመን ይዤ ለማቅረብ አልችልም አለ፣ ኮሚሽኑ ግለሰቡን ለማቅረብ ብዙ ጥረት አድርጎ ሳይሳካለት እንደቀረ አስታውቋል።

በተለይም በአዲስ አበባ መሬት ለውጪ ባለሀብቶች (ለአረብ ኤምሬት) የትኛውም ሀገር የማይፈቅደዉን በኢንቨስትመንት ሳይሆን በሽያጭ ሊቀርብ ነው!!

አቶ ታዬ ደንደአ እንደፃፉት

የውጭ ዜጎችን የመሬት ባለቤት የሚያደርግ ረቂቅ አዋጅ መዘጋጀቱን ሰምተናል::

የህገ-መንግስቱ አንቀፅ 40(3) መሬት የማይሸጥና የማይለወጥ የኢትዮጵያ ህዝቦች የጋራ ንብረት መሆኑን ደንግጏል::

ኢትዮጵያውያን እንኳ በግል መሬትን በባለቤትነት መያዝ እንደማይችሉ ያሳያል::

በህገ-መንግስቱ አንቀፅ 9(1) መሰረት ደግሞ ማንኛዉም ህግ ወይም የመንግስት ዉሳኔ ህገ- መንግስቱን የሚቃረን ከሆነ ተፈፃሚነት እንደማይኖረዉ ይታወቃል:: ታድያ አንድ የአረብ ኤምሬትስ ቱጃር እንዴት በኢትዮጵያ የመሬት ከበርቴ ሊሆን ይችላል? የኢትዮጵያውያን ካፒታል እንዲሸሽ እየተደረገ ለሌሎች ይህን ያህል መጨነቅስ ምን ይባላል? ነገ ሌላ ቀን ስለሆነ መጠንቀቅ ይበጃል!

በኮሪደር ልማት የተሳተፉ ከ400 በላይ ኮንትራክተሮች መንግስት ክፍያ ሊፈፅምላቸው እንዳልቻለ ተናገሩ

(መሠረት ሚድያ)- በኮሪደር ልማት ምክንያት እንደ ካዛንችስ ካሉ ቦታዎች ለተነሱ ሰዎች በፍጥነት የተዘጋጁ የጋራ መኖርያ ቤቶችን ያዘጋጁ ከ400 በላይ ኮንትራክተሮች ክፍያቸውን መንግስት እንደያዘባቸው ገልፀው ከፍተኛ ችግር ውስጥ እንዳሉ ተናገሩ።

ኮንትራክተሮቹ ለመሠረት ሚድያ በሰጡት መረጃ መሰረት የአዲስ አበባ ከተማ አስተዳደር ቤቶች ልማት ኮርፖሬሽን ኮንትራክተሮቹ በግዴታ ከ3 ሺህ በላይ ቤቶችን ለኮሪደር ተነሺዎች እንዲገነቡ ካደረገ በኋላ ክፍያ መፈፀም አልቻለም።

"በጥቃቅን እና አነስተኛ የተደራጀን እኛ ኮንትራክተሮች ከ3 ሺህ በላይ የ40/60 የጋራ መኖርያዎች ውስጥ ያሉ ለንግድ ተብለው የተሰሩ ክፍሎችን ወደ መኖርያነት ቀይረን ገንብተን ብንጨርስም መንግስት ክፍያችንን ከልክሎናል" የሚሉት ኮንትራክተሮቹ አብዛኞቹ በብድር ወስደው ስራውን ቢሰሩም አሁን ትርፉ ቀርቶ ብድራቸውን ለመክፈል ተቸግረው እንዳሉ አብራርተዋል፣ አንዳንዶቹ ብድሩን ለመክፈል የግል ንብረታቸውን ለመሸጥ እየተገደዱ እንደሆነ ተናግረዋል። 

እነዚህ ለተነሺዎች በኮንትራክተሮቹ የተዘጋጁ  ቤቶች በአያት፣ አራብሳ፣ ቡልቡላ እና አስኮ እንደሚገኙ ለማወቅ ተችሏል።

"ቤቶች ልማት እና ፋይናንስ ቢሮዎችን ስንጠይቃቸው ምላሻቸው ገንዘብ የለንም ነው፣ ታድያ ገንዘብ ከሌላቸው ለምን እኛን አሰሩን?" የሚል ጥያቄ የሚያነሱት እነዚህ አነስተኛ እና ጥቃቅን ኮንትራክተሮች አንዳንዶቹ ቤተሰባቸው ጭምር ችግር ላይ እንደወደቀ ተናግረዋል።

የአዲስ አበባ ከተማ አስተዳደር ቤቶች ልማት ኮርፖሬሽን ከኮንትራክተሮቹ ጋር መረጃ ይለዋወጥበት የነበረ የቴሌግራም ግሩፕን ስራው ካለቀ በኋላ ሰው መረጃ እንዳይቀያየርበት መቆለፉን ለማየት ችለናል።

የቤቶች ልማት ኮንትራክተሮቹን ወደ ስራ ሲያስገባ ምንም አይነት ቅድመ ክፍያ እንዳይጠይቁ አስፈርሞ እንደነበር መሠረት ሚድያ የተመለከተው አንድ ሰነድ ያሳያል።

"ወደን ሳይሆን በግዴታ ነው ካለ ቅድመ ክፍያ ተስማምተን የገባነው፣ እንደዛ ካልተስማማን ወደፊት ምንም ስራ ከተማ ውስጥ መስራት አትችሉም ተብለን ማስፈራርያ ተሰጥቶን ነበር" ያሉት ግለሰቦቹ አሁን ላይ ለሁሉም ስራ ሳይከፈል የተከማቸው ገንዘብ 4.4 ቢልዮን ብር ገደማ እንደሆነ ጠቁመዋል።

መሠረት ሚድያ በዚህ ዙርያ ባደረገው ተጨማሪ ከ3 ሚልዮን ብር እስከ 42 ሚልዮን ብር የተያዘባቸው ኮንትራክተሮች እንዳሉ የተረዳ ሲሆን ከነዚህ ኮንትራክተሮች ውጪም በኮሪደር ልማት ዙርያ የመንገድ ግንባታ የተሳተፉ አቅማቸው ከፍ ያለ ኮንትራክተሮችም ክፍያ ተከልክለው እንደሚገኙ ለማወቅ ተችሏል።