ኖኅ Book Delivery

🎯 Date Rape Drugs" ስለሚባሉ ለወሲብ ጥቃት ስለሚውሉ መድኃኒቶች ታውቃላቹ? በብዛት GHB እና Rohypnol ናቸው የሚታወቁት ወይም ጥቅም ላይ እየዋሉት ያሉት፤ ሆኖም ብዙ መድኃኒቶች አሉ።

💊 "እነዚህ መድኃኒቶች ለሕክምና ነው የሚውሉት፤ ሆኖም በብላክ ማርኬት እየተሸጡ ለሌሎች አገልግሎቶች ለወንጀል ይውላሉ። አንዱና ትልቁ በጣም አሳሳቢና አስጊ የሆነው ለወሲብ ጥቃት መዋላቸው ነው።

🦠 እንደመድኃኒቱ አይነት የሚወስደው ሰው ላይም የሚያደርሰው ጉዳት ይለያያል። አንዳንዱ zombie ያደርጋል - እራሳችሁን አትስቱም አቅላችሁን እንጂ፤ ትንቀሳቀሳላችሁ እንደማንኛውም ጤነኛ ሰው ግን ምን እያደረጋችሁ እንደሆነ አታውቁም መድኃኒቱ ከሰውነታችሁ እስኪወጣ።

💉 ሌላው በተመሳሳይ መንገድ አቅላችሁን ያስታል - ከፍተኛ ጤናማ ያልሆነ የወሲብ ፍላጎት ያሳድርባችኋል፤ ብቻ በየትኛውም መድኃኒት ለወሲብ ጥቃት ትጋለጡበታላቹ።

"እራሳችሁን የምታውቁት መድኃኒቱ ከሰውነታችሁ ሲወጣ ነው፤ ችግሩ ምንም አታስታውሱም መድኃኒቱን ከወሰዳችሁበት ሰዓት ጀምሮ የተፈጠረውን።
መድኃኒቱ ታብሌት ፈሳሽም ሊሆን ይችላል፤ በምትበሉት በምትጠጡት ነገሮች ውስጥ ሊሰጣችሁ ይችላል።

🧬 ለህዝቦቻቸው የሚጨነቁ ሀገራት የጤና ባለሙያዎችና ፖሊስ ዲፓርትመንቶች ህዝቦቻቸው በተለይ ወጣቶች በሚዝናኑበት ወቅት የሚጠቀሟቸው ነገሮች ላይ ጥንቃቄ እንዲያደርጉ እየመከሩ ነው፤ ምክንያቱም በከፍተኛ ደረጃ በዚህ መንገድ ጥቃት የሚፈፀምባቸው የተለያየ ወንጀሎች በመበራከታቸው ነው። የወሲብ ጥቃት ብቻ ሳይሆን ዝርፍያ የመግደልም ወንጀል ይሆናል።

🩸 አንዳንድ መድኃኒቶች በምርመራም መወሰዳቸው ላይታወቅ በደም ላይገኙ ይችላሉ ከረጅም ሰዓታት በኋላ። እድሜ ለቴክኖሎጂ በዚህ መንገድ የወሲብ ጥቃት የተፈፀመባቸው ሰዎች መድኃኒቱ በደማቸው ባይገኝም ማስታወስ ባይችሉም እንኳን በሕክምና አንዲት ሴት ፈልጋ ነው ሳትፈልግ ወሲብ የተፈፀመው የሚለውን ማረጋገጥ ይችላል።

⚰ በጣም አስፈሪው ደግሞ አንድ ይህን መድኃኒት የተሰጠው ሰው እንደጤነኛ ሰው ስለሚንቀሳቀስ የታዘዘውን ስለሚያደርግ ይህን የተመለከተ ሌላ ሰው መድኃኒቱን መውሰዳቸውን ስለማያስተውል ፈልገው ጥቃት ከፈፀመባቸው ሰው ጋር ቤርጎ ሲይዙ እቤቱ መኪናው ላይ ሲገቡ የተለያየ ነገር በፍቃደኝነት ሲያደርጉ ስለሚታዩ ሰዎች ላያምኗቸው ይችላሉ "ተገደን ነው" ሲሉ መድኃኒቱ ከደማቸው ከወጣ ከነቁ በኋላ ፈልገው ያደረጉትን ለተለያየ ጥቅም እየዋሹ ሊመስል ይችላል።

እንዳልኳችሁ ለወሲብ ጥቃት በብዛት ቢውል እንጂ ለተለያየ ወንጀል ይውላል፤ በዚህ ወንጀል ሴቶች ብቻ ሳይሆን ወንዶችም ተጠቂ ናቸው። ብዙ በዚህ መንገድ የተገደሉ የተዘረፉ የወሲብ ጥቃት የደረሰባቸው ወንዶች አሉ፤ ስለወሲብ ጥቃት ትንኮሳ ሲወራ የዚህ ሰለባዎች አብዛኛውን ብልጫ ሴቶች ቢይዙ እንጂ ወንዶችም ሰለባ ናቸው።

በየመዝናኛ ቦታው ስትዝናኑ ፍለፊታችሁ ያልተከፈተ ነገር አትጠጡ፤ የተቀዳላችሁን መጠጥ ሳትጨርሱ አስቀምጣችሁ ሽንት ቤት የመሳሰሉት ቦታ ሄዳችሁ መጥታችሁ አትጠጡ፤ ባጠቃላይ ዞር አትበሉ ከብርጭቆአችሁ። ከማታውቁት ሰው የምግብ የመጠጥ ግብዣ ስትቀበሉ ጥንቃቄ አድርጉ፤ መዝናኛ ቦታዎች ብቻ ሳይሆን በየቤቱ በተለያየ ቦታ በሚደረግላችሁ ግብዣ ላይም ጥንቃቄ ያስፈልጋል።

በቅርብ ኢራቅ ውስጥ አንድ ዶክመንተሪ ላይ አንድ ኡዝታዝ ቁርዓን የሚያስቀራ በአካባቢው ታዋቂ የሚከበር ሰው ቁርዓን እንዲቀራላቸው ቤቱ ይሄዱ የነበሩ ሴቶች እያደነዘዘ ደፍሮ በመጨረሻ አንዷ ተበቅላው ገላው ዶክመንተሪ ተሰርቶ አይቻለሁ።

🏺ምን ልላችሁ ነው ፍፁም ከማትጠረጥሯቸውም ሰዎች የኔ በምትሏቸውም ሰዎች የትም ማንም ብትሆኑ ጥቃት ይፈፀምባችኋል።

በዚህ ዙርያ የተሰሩ ዶክመንተሪዎችን ሳይ በጣም ያስገረመኝ በዚህ መድኃኒት ንግድ ውስጥ በብዛት ሴቶች ናቸው የተሰማሩት፤ በብዛት ታዋቂ ሴቶች አርቲስት ፖለቲከኞች የመሳሰሉት።

🩺 ለምሳሌ አርቲስቶች "instagram blogger YouTuber TikToker" የመሳሰሉት "money laundry" ጨምሮ ለአደገኛ ዕፅ ዝውውር ለመሳሰሉት ወንጀል ላይ ይሳተፋሉ፤ ለዚህ ለተለያየ ወንጀል የሚመለምሏቸው አሉ በብር እያታለሉ እና ባንዴ ከበርቴ ሲሆኑ በየሀገሩ ሲዞሩ መጠርጠር አይከፋም "ብሩ ከየት መጣ?" ብሎ። ይህ ብቻ ሳይሆን እራሳቸውም ለተለያየ ወንጀል ጥቃት ሰለባ ይሆናሉ፤ ሊያጠቃቸው ለሚፈልግ እነሱን ለማግኘት ከባድ አይሆንበትም።

ስለዚህም ለማውራት ፈልጌ አልነበረም፤ እራሳችሁን ጠብቁ።

Nani Adonai እንደፃፈችው (FB ገጿ የተወሰደ) ✍
📚📚📚
"ማንበብ ፋሽን ነው።"
Join us @noahbookdelivery

ዕድሜዋንም አፈቀርኩት

“ዕድሜሽ ስንት ነዉ አልኳት ?” ያላሰበችዉ ድንገተኛ ጥያቄ ዓይንዋን ሰብራ መሬት መሬት ዓየች።

ለጠቅላላ እዉቀት ነበር አጠያየቄ...

ግንባርዋ ሰላሳዎቹን እንደተሻገረ ያሳብቃል ከሂጃብዋ ሾልከዉ የወጡ አንዳንድ የፀጉር ዘለላዎች በትንሹ ሽበት ጀምሮዋቸዋል።

ዉብ ናት እኮ! ልብዋ አፍላ ወጣት ነዉ ሳትሰስት ታፈቅራለች ለዛ ነዉ ሚጥላት የበዛዉ...

ያን ትልቅ  ዓይንዋን ቀና አድርጋዉ ከሀሳብ ከሄደችበት ተመልሳ “ ገምት እስኪ

“አለቺኝ  እኔም ማወቄን ለመደበቅ “እእ…”አልኩኝና  “ ሀያዎቹ መጨረሻ አካባቢ አንደደረስኩበት ነገር እጄን እያወዛወዝኩ “  

“ሰላሳ አንድ ዓመቴ ነዉ” አለቺኝ እጆችዋን እያሻሸች ከእድሜዋ በላይ የእጅዋ ዉበት ወስዶኛል መልስ ሳልሰጣት ቆየዉ “

"ምነዉ?”

ስትለኝ ከሀሳቤ ነቃሁና “ዉይ ምን አላት ታድያ ገና እኮ ነሽ አልኳት“

  “ተዉ እንጂ“

“ የምር  ስንት ፈጣሪ የፃፈልሽ ግን ያልገለጥሽዉ ኖረሽ ምታልፊዉ የሕይወት ገፅ አለ ብቻ አንቺ ተስፋ ሰንቂ” አልኩኝ።

ነገሩ ፍቅር አነቃቂ አይደለም አስደናቂ ነገሮች ያናግር የለ...

እንደዉም ዕድሜዋንም አፈቀርኩት !
31 ቁጥር ባስ
31 ቁጥር ጫማ
31 ቁጥር ሱሪ በቃ
31 ቁጥር ምንም ሆነ ይበቃኛል

አለ አይደል ሰዉ ነግሬዉ አለሰማ ሲል “31 ጊዜ ነገርኩህ አይደል !” ሚያስብል ሁሉንም ያስገኘ ሁሉም ያሳጣ ፍቅር ።

📚📚📚
"ማንበብ ፋሽን ነው።"
Join us @noahbookdelivery

እኔ ወድሻለሁ

እኔ ወድሻለሁ
ታስሮ እንደመፈታት
እንደጣኦስ ውበት
እንደዝሆን ብርታት
ዳዊትን ከጎልያድ
ደርቦ እንደመምታት፤

እኔ ወድሻለሁ
ጦም ውሎ እንደመጉረስ
ወልዶ እንደመታረስ
ቶምቦላ እንደመድረስ
ካላሙዲ ንብረት
ግማሽ እንደመውረስ፤

እኔ ወድሻለሁ
እንደመቅደስ እጣን
እንዳፍለኛ ስልጣን
እኔ ያንች ቡዳ ያንች ልዝብ ሰይጣን።

(አዝማቹ የገብረ ክርስቶስ ደስታ ነው)

የማለዳ  ድ ባ ብ
⛵️⛵️⛵️
"ማንበብ ፋሽን ነው።"
Join us @noahbookdelivery

በጣም ዘግናኝ ነገር ማለት አንድ ቤተሰብ ውስጥ አባት ሲሞት ሐዘኑ ሳያንስ "አባቴ አባቴ"  እያለ መቸና የት እንደተወለደ የማይታወቅ ግድንግድ ልጅ ከች ማለቱ....!

ያኔ ሚስቶችን አለማየት ነው..!  አስከሬኑንን ሁሉ በጀበና ቢፈነክቱት ደስታቸው) ብዙ ወንዶች ድብቅ ናቸው!

በኋላ ነው ጣጣቸው እየተጎተተ የሚመጣው...!

እና ሰውየው ጨዋ ነበሩኮ....
(ሰባት ዓመት ተጠናንተው ሁሉ የታጋቡ)

በሠፈሩ "ትዳርማ እንደሳቸው" የተባለላቸው...

የሁለት ልጆች አባት! ከሥራ ቤት ከቤት ሥራ

"ምነው ልጅ ጨመር ብታደርጉ ሀብት አላነሳችሁ"

ሲባሉ

"ምንድነው ልጅ ማብዛት ያሉትን በወጉ ማሳደግ ነው ዋናው " የሚሉ!

እና ድንገት ሞቱ ...

ልክ የቀብሩ ቀን ሶስት እግዜር ዲኤንኤ ውጤታቸውን በመልካቸው የፃፈባቸው ፣ ቁርጥ ሟቹን የመሰሉ ጠረንገሎ ጎረምሶች አባቴ አባቴ እያሉ ተግተልትለው አልመጡም...!?

ሚስትም ልጆችም ሐዘኑን እረስተው በድንጋጤ ታዛቢ ሆኑ

"ይሄ ሁሉ ልጅ" እያሉ...

ወዲያው አስከሬን ሊወጣ ሲል አዲሶቹ ልጆች

"አሁን አይቀበርም አህህህህ" ብለው  እያለቀሱ እየተናፈጡ ምናምን ከለከሉ ..!

ለምን ይባላሉ...

"አራት እህቶቻችን ከኋላ እየመጡ ነው እንጠብቃቸው"

©️አሌክስ አብረሃም
(ወግ ብቻ)
📚📚📚
"ማንበብ ፋሽን ነው።"
Join us @noahbookdelivery

ዶክተሩ ጠየቀ፡ "እንዴት ያደርግሀል?"

ታማሚ መለሰ፡  "ተዪ አናቴ መሀል...
ድንገት ደርሶ ትርትር ፥ ሲያሻው ደግሞ ልብቅ።"

"ሰገራ ስጥና ውጤትህን ጠብቅ"

ሲለው ጊዜ ዶክተር ፥ ታማሚው በንዴት
"ኧረ ለምን እንዴት
መድኃኒት ማትሰጠኝ ሰምተህ የአፌን ቃል
ከኔ ይልቅ ስለኔ ሰገራዬ ያውቃል?"
እያለ እየጮኸ እየተበሳጨ
ነርሶች አባብለውት ሰገራውን ገጨ።

-----------------------------------------------

የዓለም ሸራ ላይ ኑር ተብዬ ስሳል
መቼም ሰው ነኝና የታማሚው አምሳል
ስለ ገዛ እራሴ ስለ አመል ፀባዬ
ነግሬሽ ሳበቃ እንዲ እንዲ ነኝ ብዬ
ዋሸ እንዳትይኝ ቢገኝብኝ እክል
ስለ ራሴ አላውቅም ያ'ሬን እንኳን ያክል።

✍ ገጣሚ እንደልቡ

ለጨዋተው ድምቀት ነው😁
⛵️⛵️⛵️
"ማንበብ ፋሽን ነው።"
Join us @noahbookdelivery