ኢትዮ መረጃ - NEWS

‹‹ሂውማን ራይትስ ፈርስት ኢትዮጵያ›› በመንግስት ላይ ሰብአዊ መብት የመጣስ ክስ ሊመሰርት ነው‼️

አገር በቀል የሆነው ሂውማን ራይትስ ፈርስት ኢትዮጵያ የተሰኘው የመብት ተሟጋች ተቋም መንግስት በሚሊዮን የሚቆጠሩ ተፈናቃዮችን ወደቤታቸው ባለመመለሱ የሰብአዊ መብት ጥሰት ፈፅሟል በሚል ክስ ለመመስረት መዘጋጀቱን አስታወቀ፡፡

የተቋሙ ዳይሬክተር አቶ ተስፋለም በርሄ በዚህ ጉዳይ ላይ ዝግጅታቸውን እያጠናቀቁ መሆናቸውን ገልፀዋል፡፡ ሲናገሩም ‹‹ተፈናቃዮች ወደቤታቸው እንዲመለሱ በፍርድ ቤት ውሳኔ ማስገደድ ይቻል እንደሆነ ወደፊት የምናየው ይሆናል፡፡ ነገር ግን እኛ ጉዳዩን ወደህግ መውደስ አስፈላጊ ሆኖ አግኝተነዋል›› ብለዋል፡፡

ተፈናቃዮች ወደቤታቸው ባለመመለሳቸው የሰብአዊ ቀውሱ መባባሱንና የከፋ ሁኔታ ላይ ማድረሱን ጠቀሱት ዳይሬክተሩ ጨምረውም ‹‹ከትግራይ ክልል የተፈናቀሉት ሰዎች ለሶስትና ለአራት አመታት በአስቸጋሪ ሁኔታ ውስጥ ከመኖራቸውም በላይ አሁንም እየተሰቃዩ ናቸው›› ሲሉ አስረድተዋል፡፡

እንደአቶ ተስፋለም ገለፃ፣ ተፈናቃዮችን በፈቃደኝነት ወደቤታቸው መመለስ የሰብአዊነት ስራ ብቻም ሳይሆን በአገርና በአለም አቀፍ ህግ የተቀመጠ ግዴታም ነው፡፡ የአፍሪካ ህብረት የካምፓላ ስምምነትና የኢትዮጵያ ህገ መንግስት ይህንን በግልፅ ማስፈራቸውንም ጠቅሰዋል፡፡ መንግስት ተፈናቃዮችን የመመለስ አስቸኳይ እርምጃ የማይወስድ ከሆነ ድርጅታቸው በእነዚህ ህጋዊ መሰረቶች ወደክስ ለማምራት እንደሚገደድም አሳስበዋል፡፡

@ethio_mereja_news
@ethio_mereja_news

ለምን የጠየኩትን አላገኘሁም?  

ሰው መሆን በራሱ ወደ ላይ ማንጋጠጥ፣ አንዱ ጥያቄ ሲመለስ ሌላ መጠየቅ፣ አንዱ ፍላጎት ሲሟላ ሌላኛው ላይ ማተኮር ያለበት ነው፡፡ አንዳንዴ ሌሎች በቀላሉ የሚያገኟቸው እኛ ግን ነጋ ጠባ ፈጣሪያችንን ወትውተን ያላገኘናቸው ነገሮች ይኖራሉ፡፡ አልፎ ተርፎም ይህ አጥብቀን የምንሻው ነገር ሊኖረን እንደሚገባ በበርካቶች ዘንድ የሚታመንበት፣ ጥቂት የማይባሉ ሰዎችም እርግጠኛ ሆነው እንዳለን የሚያስቡት እኛ ግን ያላስተዋልነው ይሆናል፡፡ በዚህ ሁሉ ውስጥም ቢሆን እንኳ፣ እንደ ክርስቲያን እያመሰገንን በተስፋ መጠበቅ በራሱ ትልቅ ዋጋ ያሰጣል፡፡ አንዳንዴ ግን ጥያቄያችን መልስ ሲያጣ ለምን ብለን እንጠይቅ፡፡ በረከቱ ይደርብንና ታላቁ የቤተ ክርስቲያን ሊቅ ቅዱስ ዮሐንስ አፈወርቅ “እግዚአብሔርን ደጋግመህ ጠይቀኸው ያልሰጠህ ነገር ካለ፣ አንተን ደጋግመው ጠይቀውህ ያልሰጠሃቸው ሰዎች እንዳሉ አስብ፡፡” ይለናል፡፡ 

የበርካታ ቅዱሳንና ጻድቃን ወላጆች ልጅ አጥተው ለበርካታ ዓመታት ፍሬ እንዲሰጣቸው ሲማጸኑ ኖረው ሁሉም ነገር አበቃለት ሲሉ እግዚአብሔር ምላሽ ሰጥቷቸዋል፡፡ የእመቤታችን የቅድስት ድንግል ማርያም ወላጆች ቅዱሳኑ ኢያቄም ወሐና፣ ይስሐቅን ያገኙት አባታችን ቅዱስ አብርሃምና ቅድስት ሳራ፣ መጥምቀ መለኮትን የወለዱት ካሕኑ ቅዱስ ዘካርያስና ቅድስት ኤልሳቤጥ ለዚህ ምሳሌ ናቸው፡፡ በሕገ እግዚአብሔር ጸንተው እየኖሩ ልመናቸውን ሳይታክቱ በመቀጠላቸው እመአምላክንና ቅዱሳንን መውለድ ችለዋል፡፡ በበርካታ መከራ ውስጥ አልፈው ምድራዊ ኃይል አለኝ ባለ ንጉስ ተለያተው ዳግም የተገናኙት ቅዱሳን ጸጋ ዘአብና እግዚእ ሃረያ ጻድቁ አባታችን አቡነ ተክለ ሃይማኖትን ወልደዋል፡፡ እግዚአብሔር “ፈታሒ በጽድቅ ኮናኒ በርትዕ“ ነውና እንደ የስራችን ይከፍለናል፡፡ ለልባዊ ጸሎታችን ዋጋ ይሰጠናል፡፡

ቅዱስ ዮሐንስ አፈወርቅ እንዳለው አንዳንዴ ግን ሲጠሩን ያልሰማናቸው ይኖሩና ጥቄያችን መልስ ላይገኝ ይችላል፡፡ እገዛችንን ልንሰጣቸው እየቻልን አልፈናቸው የሔድን ስንቶች ናቸው? ጩኸታቸውን እንዳንሰማ መስኮታችንን የዘጋንባቸው፣ ወይም ዳንኪራችንን ከፍ አድርገን ጩኸታቸውን የዋጥንባቸው ስንቶች ናቸው? የትኛውን ጥሪ ነው በአጽንኦት የሰማነው? ስለበደላችን በቀራንዮ አደባባይ “ኤሎሔ… ኤሎሔ… ላማ ሰበቅታኒ” አባት ሆይ ለምን ተውኸኝ ያለው ጥሪ የኛ አይደለምን? እርሱ የሁሉ ባለቤት ሲሆን “ተጠማሁ” ማለቱ የኛን መጠማት ለማርካት ደሙን ሲያፈስ ያሰማው ነው፡፡ ሞቱ፣ ግርፋቱ… የኛን ሞትና ግርፋት የተቀበለበት ፍጹም ፍቅሩ የተገለጸበት ድንቅ ስጦታው ነው፡፡ ይህን ያህል ዋጋ የከፈለልን አምላክ፣ ለጥቂቷ ዓለማዊ ጥያቄያችን ደጋግመን ጠይቀን ካልተሰጠን ወደ ራሳችን እንመልከት፡፡

ቅዱሳኑ በብጽአት ያገኟቸውን ቅዱሳን ፍሬዎች እነ አቡነ ገብረ መንፈስ ቅዱስና ኢትዮጵያዊው ሐዋርያ አቡነ ተክለ ሃይማኖትና ሌሎችንም አርአያ ያደረጉ በአስቸጋሪ ሁኔታ የበረሀው ሐሩር የሌት ቁር የሚፈራረቅባቸው፣ ጤዛ ልሰው ድንጋይ ተንተርሰው፣ ግርማ ሌሊቱን፣ ድምጸ አራዊቱን፣ ጸብአ አጋንንቱን ታግሰው፣ ዓለምን ንቀው በማዕከላዊ ጎንደር ዞን ምስራቅ በለሳ ወረዳ በሚገኘውና ሙትአንሳ ማር ቅዱስ ሚካኤል አድነት ገዳም በርካታ ገዳማውያን መነኮሳት ይኖራሉ፡፡ መነኮሳቱና ገዳማውያኑ ተፈጥሯዊና ሰው ሰራሽ ችግሮች እየተፈታተኗቸው ነውና በዓታቸውን ለማጽናት እጃችንን እንድንዘርጋ፣ ሌሊትና ቀን በትጋት የሚቆሙበት ጸሎታቸው፣ ምድራዊ ያልሆነ ረድኤታቸው ተካፋይ እንሁን፡፡ የአግዙን ጥሪያቸውን እንስማቸው!!!   


ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

83 በመቶ የሚሆነው የትራፊክ አደጋ የሚከሰተው በአሽከርካሪዎችና በተሽከርካሪ የቴክኒክ ብቃት ችግር ምክንያት መሆኑ ተገለጸ!

በከፍተኛ ደረጃ እየተከሰተ ካለው የትራፊክ አደጋ ውስጥ 69 በመቶ ገደማ የሚሆነው በአሽከርካሪዎች እና 14 በመቶ የሚሆነው ደግሞ በተሽከርካሪ የቴክኒክ ብቃት ምክንያት የሚከሰት መሆኑን የመንገድ ደህንነት እና መድህን ፈንድ አገልግሎት ለአሐዱ ገልጿል።

በሀገሪቱ ከዕለት ወደ ዕለት እየጨመረ የመጣው የትራፊክ አደጋ አሳሳቢ ደረጃ ላይ መድረሱን የገለጹት በአገልግሎቱ የመንገድ ደህንነት ትምህርትና ግንባታ መሪ ሥራ አስፈፃሚ ዮሐንስ ለማ፤ ለአደጋው መጨመር ምክንያቱ ብዙ ቢሆንም በዋናነት የአሽከርካሪዎች ቸልተኝነት ተጠቃሽ መሆኑን ተናግረዋል።መሪ ሥራ አስፈፃሚው አክለውም የእግረኞች የመንገድ አጠቃቀም ችግር፣ የመንገድ ሁኔታ እና በተለይ ጥናቶች እንደሚያሳዩት ከልክ በላይ ፍጥነት ማሽከርከር ለአደጋው ተጋላጭ የሚያደረጉ መንስኤዎች መሆናቸውን ተናግረዋል።

"አደጋው የሰው ሕይወት ከማጥፋቱ በተለይም አምራች የሚባለውን የሀገሪቱን ወጣት እያሳጣን ነው" ያሉት አቶ ዮሐንስ፤ በንብረት ውድመት ላይ እየደረሰ ያለው ምጣኔ ሃብታዊ ኪሳራ ቀላል የሚባል አለመሆኑን አንስተዋል።የትራፊክ አደጋው በአብዛኛው ከ5 እስከ 30 የእድሜ ክልል ውስጥ ባሉ ሰዎች ላይ የሚከሰት ሲሆን፤ አደጋውን የሚያደርሱት ደግሞ ከ18 እስከ 30 እድሜ ያሉ አሽከርካሪዎች እንደሆኑም አቶ ዮሐንስ ጠቁመዋል።

በ2016 ዓ.ም በንብረት ላይ በደረሰ አደጋ ብቻ ከ4 ቢሊዮን ብር በላይ የሚገመት ንብረት መውደሙን አስታውሰዋል።የትራፊክ አደጋ ከጊዜ ወደ ጊዜ እየጨመረ መምጣቱን ተከትሎ አደጋው በትራፊክ ፓሊስና የሚመለከተው ባለድረሻ አካል ቁጥጥር ብቻ መቀነስ ስለማይቻል ሁሉም በጋራ ሊሰራ እንደሚገባ መሪ ሥራ አስፈፃሚው አሳስበዋል።

ሀገሩ ፍልስጤም ልዩ ስሟ “ልዳ” ሲሆን የተወለደው በ277 ዓ.ም ጥር 20 ቀን ነው፡፡

አባቱ የልዳ መኳንንት ዞሮንቶስ ወይም አንስጣስዮስ፣ እናቱ ቴዎብስታ ወይም አቅሌስያ ከእርሱ ሌላ ማርታና እስያ የሚባሉ ሁለት ሴት ልጆች ነበሯቸው፤ ሊቀ ሰማዕታት ቅዱስ ጊዮርጊስ፡፡ የስሙ ትርጓሜ “ኮከብ ብሩህ፣ ፀሐይ” ማለት ነው፡፡ ቅዱስ ጊዮርጊስ ዐሥር ዓመት በሆመው ጊዜ አባቱ ስለሞተ ሌላ ደግ ክርስቲያናዊ መስፍን ወስዶ በጦር ኃይል አሰለጠኖ አሳደገው፡፡ በሃያ ዓመቱም መስፍኑ የ15 ዓመት ሴት ልጁን ሊያገባው ሲያስደግስ ጌታችን ለዚህ አላጨውምና የመስፍኑን ነፍስ ወሰደ፡፡ ቅዱስ ጊዮርጊስም ኀዘኑን ጨርሶ ወደ ቤሩት ከተማ ሄደ፡፡ በዚያም የሚመለክና ሴት ልጆቻቸውን የሚገብሩለትን ደራጎን ገድሎ ሕዝቡን ወደ አምልኮተ እግዚአብሔር አስገብቷቸዋል፡፡ ወደፋርስም ሲሔድ ንጉሱ ዱድያኖስ ሰባ ነገሥታት ሰብስቦ ሰባ ጣዖታት ሲያመልኩ ቢያገኛቸው በነገሥታት ፊት የመድኃኒታችን የኢየሱስ ክርስቶስን አምላክነት መሰከረ፡፡


ዱድያኖስም ማንነቱን ከተረዳ በኋላ “አንተማ የኛ ነህ በዐሥር አህጉር ላይ እሾምሃለሁ የኔን አምላክ አጵሎንን አምልክ” አለው፡፡ ቅዱስ ጊዮርጊስም “አምላኬ ኢየሱስ ክርስቶስን ላን ሹመት አልክደውም” አለው፡፡ ዱድያኖስም እጅግ ተናዶ ብዙ አሠቃቂ መከራዎችን አደረሰበት፡፡ ቅዱስ ጊዮርጊስ ግን ጌታችንን “ይህን ከሃዲ እስካሳፍረው ድረስ ነፍሴን አትውሰዳት” በማለት ለመነው፡፡ እግዚአብሔርም ጽናትን ሰጥቶታል፡፡ የደረሱበት እጅግ አሠቃቂ መከራዎች የሰው ኅሊና ሊያስባቸው እንኳን የማይችላቸው ናቸው፡፡ በእንጨት ላይ ሰቅለው ሥጋውን በመቃን አስፈተተው፣ ረጃጅም ችንካሮች ያሉበት የብረት ጫማ አጫምተው ሂድ አሉት፡፡ ጌታችንም ቅዱስ ሚካኤልን ልኮለት ፈውሶታል፡፡ ዳግመኛም በሰባ ችንካሮች አስቸንክሮ በእሳት አስተኩሶ አናቱን በመዶሻ አስቀጥቅጦ በሆዱ ላይ የደንጊያ ምሰሶ አሳስሮ እንዲያንከባልሉት አደረገ፡፡

በመጋዝ ሰውነቱን አስተልትሎ ጨው ሲነሰንስበት ሥጋው መሬት ላይ ወደቀ፡፡ ጌታችን መድኃኒታችን ኢየሱስ ክርስቶስ በመንፈቀ ሌሊት በእጁ ዳስሶ ፈወሰውና “ገና ስድስት ዓመት ለስሜ ትጋደላለህ፣ 3 ጊዜ ትሞታለህ፣ በ4ኛውም ታርፋለህ፣ በመከራህም ሁሉ አልለይህም አለው፡፡ ዱድያኖስም ቅዱስ ጊዮርጊስን “ለሚያሸንፍልኝ ብዙ ወርቅ እሰጠዋለሁ” አለ፡፡ አንድ መሰርይ መርዝ ቀምሞ አስማተ ሰይጣን ደግሞበት ለቅዱስ ጊዮርጊስ አጠጣው። ሰማዕቱም ስመ እግዚአብሔርን ጠርቶ ቢጠጣው እንደ ጨረቃ ደምቆ እንደ አበባ አሸብርቆ ተገኝቷል፤ ጠንቋዩ ማረኝ ብሎ ከእግሩ ሥር ወደቀ፡፡ ንጉሱም ጊዮርጊስን በመንኰራኩር አስፈጭቶ ትልቅ ጉድጓድ ውስጥ ዘግቶ አትሞበት ሄደ፡፡ ጌታችንም የተፈጨውን የቅዱስ ጊዮርጊስ ሥጋ በእጁ ዳስሶ ፈውሶታል፡፡ ወደ ንጉሥም ተመልሶ “አምላኬ ከሞት አዳነኝ” በማለት መሰከረ፡፡

በፊቱም ሙት ማስነሳትና በርካታ ድንቅ ተአምራት አድርጎ ቢያሳየውም አላመነም ይልቁንም በተደጋጋሚ አሰቃው ጌታችንም ሦስት ጊዜ ከሞት አስነሣው፡፡ በመጨረሻም ሚያዝያ 23 ወታደሮች ሥጋውን ፈጭተው በደብረ ይድራስ ተራራ በትነውት ወደ ንጉሡ ሲመለሱ በመንገድ ከኋላቸው ሄዶ “አምላኬ ከሞት አዳነኝ” ሲላቸው በጌታችን አምነው በመመስከርም በሰማዕትነት ዐርፈዋል፡፡ ሰማዕቱ ቅዱስ ጊዮርጊስም በሰይፍ አንገቱን ተመቶ ሲሞት ሰባውን ነገስታት አጥፍቷቸዋል፡፡ ስለ ክርሳቶስ ፍቅር ሲሉ ዓለምን የናቁ ገዳማውያን ይህን አብነት አድርገው ይጸናሉና ጸሎታቸው ኃይልን ታደርጋለች፡፡  
 

ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444

በወሎ አካባቢዎች የተማሪዎች እና መምህራን ስደት በከፍተኛ መጠን ጨመረ ተባለ‼️

በሰሜን ወሎ፣ ደቡብ ወሎ እና ኦሮሞ ብሔረሰብ አስተዳደር ዞኖች የተማሪዎች እና የመምህራን ስደት እየጨመረ ነው። በአንዳንድ ወረዳዎች ወላጆች ልጆቻቸውን እስከ ስምንተኛ ክፍል ድረስ ብቻ በማስተማር ወደ አረብ ሀገራት ይልካሉ። በ2017 ከሐብሩ ወረዳ ብቻ ወደ 52 መምህራን ሥራ መልቀቃቸውን የአካባቢው ባለሥልጣናት ተናግረዋል።

ትምህርታቸውን እያቋረጡ ወደ አረብ አገር በስደት ከሚሄዱ ተማሪዎች በተጨማሪ መምህራን የስደቱ አንድ አካል መሆናቸውን የባቲ እና ተሁለደሬ ወረዳ የትምህርት ባለሙያዎች ይናገራሉ፡፡

‹‹መምህራን ራሱ የስደቱ አንድ ሰለባ ሆነዋል፡፡ ከመምህራንም ግማሹ በህጋዊ መንገድ በህገወጥ መንገድም የሚሄዱ አሉ፡፡ ከአንድ ትምህርት ቤት ምሳሌ ለማንሳት ሰባት(7) መምህራን ለቀዋል፡፡

ባቲ ወረዳ ኤላ ትምህርት ቤት፡፡››
በተመሳሳይም በሰሜን ወሎ ሀብሩ ወረዳ የህገወጥ የሰዎች ዝውውር ኮሪደር በመሆኑ በአካባቢው የሚገኙ ተማሪዎች ትምህርት አቋርጠው ስደትን ምርጫ ቢያደርጉም የመምህራን ስራ አቋርጦ መጓዝ ግን አስደንጋጭ መሆኑን የወረዳው የሀብሩ ወረዳ ትም/ት ጽ/ቤት ሃላፊ አቶ መንግስቱ ደረጀ ይናገራሉ፡፡

‹‹የማቋረጥ ምጣኔው የተማሪዎች ብቻ ሳይሆን መምህራን በዘንድሮው አመት ላይ ወደ 52 መምህራን ለቀዋል፡፡ ግማሹ አረብ ሀገር የሄደ አለ፤ ግማሹ ሌላ ስራ ይዟል፤ የሚሄዱት ግን ተማሪዎች ፍልሰት ባለበት ህገወጥ የሰዎች ዝውውር በሚከወንበት አካባቢ ያሉት ናቸው፡፡››
በስደት ወደአረብ ሀገር በሚደረግ ጉዞ ምክንያት የትምህርት ዘርፉ ችግር እያጋጠመው ነው የሚሉት የደቡብ ወሎ ዞን ትምህርት መመሪያ ሃላፊ አቶ አለምነው አበራ ማህበረሰቡ ለስደት ያለው የተሳሳተ አመለካከት ፈተና ሆኗል ይላሉ፡፡

‹‹ አሁን ተሁለደሬ ወረዳ በረሃ ውስጥ አንድ ትም/ቤት አለ እነርሱ ልጆቻቸውን የሚያስተምሩት እስከ 8ኛ ክፍል ብቻ ነው፡፡

የ8ኛ ክፍል መልቀቂያን ካርድ እስከሚይዙ ማለት ነው፡፡ ከዚያ በኋላ ልጆቻቸውን ወደ አረብ ሀገር ልከው የማን ነው ልጅ ብር ይዞ የመጣ ነው እንጂ ማን አስተምሮ ዶ/ር አደረገ የሚል የለም፡፡ እና በጣም የከፋ ነው፡፡ ሽፋኑን ስናየው ደግሞ በየአመቱ የ2ኛ ደረጃ እየቀነሰ ነው"ብለዋል።
(Dw)

@ethio_mereja_news
@ethio_mereja_news

ግንቦት 22 ሁለት ታላላቅ ሐዋርያት፣ ከ72ቱ አርድእት ውስጥ አንዱ የሆነው ሐዋርያው ቅዱስ እንድራኒቆስ ዐረፈ፡፡

ዳግመኛም በማግሥቱ ሐዋርያው ቅዱስ እንድራኒቆስን ገንዞ የቀበረውና ወዳጁ የሆነ ሌላኛው ሐዋርያ ቅዱስ ዮልዮስ ዐረፈ፡፡ ሐዋርያው ቅዱስ እንድራኒቆስን የክብር ባለቤት ጌታችን ነው የመረጠው፡፡ እርሱም የእግዚአብሔርን መንግሥት እንዲሰብኩ ጌታችን ከመከራው በፊት ከላካቸው ከ72ቱ አርድእት ውስጥ የተቆጠረ ነው፡፡

በጽርሐ ጽዮንም መንፈስ ቅዱስ በወረደ ጊዜ ከከበሩ ሐዋርያት ጋራ የመንፈስ ቅዱስን ስጦታ ተቀብሎ የከበረች ወንጌልን በብዙ ሀገራት ሰብኳል፡፡ በሔደባቸው አካባባዎችም ቅዱስ ወንጌልን ሰብኮና አስተምሮ በማሳመን በርካቶችን አጥምቋል፡፡ ከዚህም በኋላ ቅዱሳን ሐዋርያት በኑቢያ ሀገር ላይ ኤጲስቆጶስ አድርገው በአብሮተ እድ ሾሙት፡፡

በኑቢያም የከበረች ወንጌልን በሰበከ ጊዜ በጨለማ ባለማወቅ ውስጥ የሚኖሩ ብዙ አረማውያንን የክብር ባለቤት ወደሆነ ወደጌታችን ሃይማኖት አስገባቸው፡፡ በኋላም ከሐዋርያው ዮልዮስ ጋር በአንድነት በብዙ ሀገራት ዞረው በማስተማር አልጫውን ዓለም በወንጌል ጨውነት አጣፍጠውታል፡፡ ከአብራከ መንፈስ ቅዱስ ከማየ ዮርዳኖስ ሃብተ ወልድና ስመ ክርስትና እንዲያገኙ አጥምቀዋል፡፡ ሕሙማነ ነፍስን በትምህርት፣ ህሙማነ ስጋን በድንቅ ተአምራት ፈውሰዋል፤ አጋንንትን አስወጥተዋል፤ ሙታንንም አስነሥተዋል፡፡ የጣዖታት ቤቶችን አፍርሰው በምትካቸው በጌታችን በመድኃኒታችን በኢየሱስ ክርስቶስ ስምም አብያተ ክርስቲያናትን አንጸዋል፡፡ ሐዋርያው ቅዱስ እንድራኒቆስና ወዳጁ  ሐዋርያው ቅዱስ ዮልዮስ አገልግሎታቸውን በፈጸሙ ጊዜ ጌታችን ከድካም ወደ ዕረፍት ከኀዘንም ወደ ደስታ ሊወስዳቸው ወደደ፡፡

ሐዋርያው ቅዱስ እንድራኒቆስ በስጋ ህመም ተያዘና ግንቦት 22 ቀን ዐረፈ፡፡ ወዳጁና የአገልግሎት አጋሩ ቅዱስ ዮልዮስም በታላቅ ሐዘን በክብር ገንዞ ከቀበረው በኋላ ከእርሱ እንዳይለይ ጌታችንን አጥብቆ ለመነው፡፡ የፍቅር የሆነች ፍጹም ጸሎቱ ተሰምታ ዮልዮስም በቀጣዩ ቀን ዐረፈ፡፡ ቅዱስ ዮልዮስ ትውልዱ ከይሁዳ ነገድ ከእስራኤል ልጆች ወገን ነው፡፡ ጌታችን ከጠራቸው 72ቱ አርድእት ውስጥ አንዱ ሆኖ ተመርጦ ከሐዋርያት ጋር የመንፈስ ቅዱስን ጸጋ ከተቀበለ በኋላ የከበረች ወንጌልን ዞሮ ሲሰብክ ታላቅ መከራ ተቀብሏል፡፡ የከበሩ ሐዋርያትም በአንብሮተ እድ ኤጲስቆጶስነት ሾመውት ከቅዱስ እንድራኒቆስ ጋር በተለያዩ አገሮች ውስጥ የከበረች ወንጌልን እንዲሰብክ ላኩት፡፡ ቅዱስ እንድራኒቆስም ከአንድ ቀን በፊት ባረፈ ጊዜ ይህ ቅዱስ ዮልዮስ ገንዞ በክብር ቀበረው፡፡

ከዚህም በኋላ ቅዱስ ዮልዮስ ከጓደኛው ከቅዱስ እንድራኒቆስ እንዳይለይ ጌታችንን በጸሎት ቢጠይቀው ጌታችንም ፈቃዱን ፈጸመለትና በማግሥቱ ዐረፈ፡፡ የከበረ ሐዋርያ ቅዱስ ጳውሎስም እነዚህን የከበሩ ሐዋርያት ለሮሜ ክርስቲያኖች በጻፈው መልዕክቱ “እንድራኒቆስንና ዮልዮስን ሰላም በሏቸው” ሲል ስማቸውን ያነሳል፡፡ ጌታችን በጠራቸው ጊዜ ያላቸውን ሁሉ ትተው የተከተሉት ቅዱሳን ሐዋርያት የዓለምን መከራ ተቋቁመው በአህዛብ መሐል ተመላልሰው የወንጌልን ብርሃን በምድር ሁሉ አብርተዋል፡፡ በዘመናችንም ዓለምን ንቀው የመነኑ ገዳማውያን ለጌታችን ባላቸው ፍቅር ሌሊትና ቀን ራሳቸውን ለእርሱ እያስገዙ በጾምና በጸሎት ይተጋሉ፡፡ ገዳማቸውን ስንደግፍ በዓታቸውን ስናጸና የበረከታቸው ተሳታፊ እንሆናለን፡፡ የከበሩ ሐዋርያት ረድኤት በረከታቸው ይደርብን፣ በጸሎታቸው ይማረን፡፡


ድጋፍ ለማድረግ:- ሙትአንሳ  ማር  ቅዱሰ ሚካኤል አንድነት  ገዳም


ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444


የገዳሙ ስልክ ቁጥር:-0918077957 ወይም 0938644444